Reporteri

nga Henri Çili

…Sigurisht nuk është një sondazh nga ato me telefonata apo me pyetësorë në rrugë. Por ndodhi mbrëmë në emisionin OPINION të Blendi Fevziut, ku 8 komentatorë dhe/apo njerëz të angazhuar politikisht, me profesion gazetarinë, folën për gati 3 orë, gati 95% për Lulzim Bashën dhe 5% për Edi Ramën. Natyrisht pa llogaritur këtu replikat, miqësore ose jo, mes Andi Bushatit dhe Andi Bejtjes. Lexo artikullin e plote »

nga ERVIN DEMO

Rinia është e ardhmja e një vendi dhe arsimi është mekanizmi që e skalit atë për një të ardhme më të mirë për veten dhe, rrjedhimisht, për kombin. Diskutimet për rëndësinë që ka rinia dhe arsimi përgjithësisht janë kthyer në klishe, të cilat amplifikohen gjatë fushatave elektorale. Të gjithë tashmë jemi të familjarizuar me konceptin që çelësi i një zhvillimi të qëndrueshëm social-ekonomik është arsimi. Por shpesh ka pikëpyetje rreth asaj se çfarë është duke u bërë që arsimi të jetë në atë nivel ku arrin të ofrojë një zhvillim të qëndrueshëm social-ekonomik? Lexo artikullin e plote »

nga ADRIAN CIVICI

Gjatë gjithë këtyre viteve të tranzicionit, në fushatat elektorale për pushtetin lokal, kur flitet për sukseset apo problemet e pazgjidhura të bashkive e komunave, kanë mbizotëruar e vazhdojnë të mbizotërojnë temat dhe shqetësimet që lidhen kryesisht me transportin, infrastrukturën, cilësinë e ajrit, gjendjen e mjedisit dhe sipërfaqet e gjelbra, shkollat, kopshtet, çerdhet etj. Natyrisht që këto janë e do të mbeten problematikë e rëndësishme për çdo bashki e komunë edhe në të ardhmen, sepse ato lidhen ngushtë me atë që quhet “cilësi e jetës” dhe “standarde bazë shërbimesh për qytetarët”. Lexo artikullin e plote »

nga ARBEN MALAJ

Vetëm pak ditë përpara zgjedhjeve vendore mund të konstatohet se ato nuk arritën të ishin një garë konkurruese midis më të mirëve për kryetarë bashkish e komunash. Risku i një ballafaqimi të tensionuar politik është ende jo i vogël. Përballë këtij realiteti parazgjedhor mund të analizojmë se çfarë presin nga këto zgjedhje: votuesit, kandidatët, partitë politike, vendi në tërësinë e sfidave të tij dhe partnerët ndërkombëtare. Lexo artikullin e plote »

nga NEXHMEDIN SPAHIU

Tani kur pritet ndryshimi i Kushtetutës së Kosovës është e rrugës që këto ndryshime të prekin jo vetëm presidentin dhe mënyrën e zgjedhjes së tij, por edhe qeverinë dhe parlamentin. Numri i deputetëve në Parlamentin e Kosovës nuk ka nevojë që të jetë 120. Do t’ishte më funksional dhe do të kishte më pak shpenzime sikur t’përbëhej nga 80 deputetë. 70 në baze të votave të fituara dhe 10 për minoritete të garantuara nga diskriminimi pozitiv (3 për sërbë, 1 për malazezë, 1 për boshnjakë, 1 për goranë, 1 për turq, 1 për ashkalinjë, 1 për romë, 1 për egjiptas). Kjo përbërje do t’i përgjigjej më afër gjendjes në teren. Lexo artikullin e plote »

nga HALIM KOSOVA*

Tirana, me gjithë ndryshimet e bëra deri tani, mbetet ende vendbanimme probleme për t’u zgjidhur… Si metropol, ku të gjithë i “vërsulen” për një jetë më të mirë, bëri që brenda një kohe të shkurtër, në më pak se 20 vjet, popullsia e saj afërsisht të pesëfishohet, duke arritur gati sa 30-35% e të gjithë vendit. Ky ndryshim i numrit të popullatës, krahas kontributit në ndërtimin e qytetit, në të njëjtën kohë krijoi edhe shumë probleme, të cilat kërkojnë si zgjidhje emergjente, ashtu dhe të perspektivës. Lexo artikullin e plote »

nga FATOS LUBONJA

Zoti Kryeredaktor, lexova para disa ditësh një dyfaqësh të botuar në gazetën “Panorama”, ku spikat letra që shkrimtari Ismail Kadare ju ka dërguar kundër meje, shoqëruar me një intervistë të tijën, si dhe me një dokument, të nxjerrë nga arkiva, rreth romanit “Koncerti”. E gjitha kjo si përgjigje ndaj një artikullit tim, ku, mes të tjerash, duke kritikuar gjuhën fyese, deri raciste, të përdorur në një shkrim të Ilir Yzeirit ndaj ambasadorit amerikan, përmendet, shkarazi, edhe ky roman, meqenëse përdoret nga autori për ta theksuar gjuhën e tij fyese. Lexo artikullin e plote »

nga YMER DELIALLIASI*

Një nga problemet më të ndjeshme, për të mos thënë problemi më i rëndësishëm i shekullit, është ruajtja e mjedisit. Vendet e zhvilluara dhe me traditë kanë vënë kushte dhe standarde të reja lidhur me atë që quhet “Green Building”, për atë që në kuptimin më të thjeshtë është një mjedis më i shëndetshëm dhe më i sigurt. Kjo kërkon rritjen e eficiencës së shfrytëzimit të burimeve energjetike natyrale dhe artificiale, riciklimin, si një proces që ka të bëjë me pastrimin e mikroklimës dhe ruajtjen e mjedisit në mënyrë të veçantë në qendrat e banuara. Lexo artikullin e plote »

nga Xhavit Haliti

Flasim aq shumë dhe aq shpesh për politikën. Flasim të gjithë, të shkolluar, të pashkolluar; të angazhuar dhe të distancuar (indiferentë) prej saj. Flasim edhe kur nuk kuptojmë ç’do të thotë politikë dhe nuk dimë asnjë prej rreth 100 kuptimeve për konceptin politikë. Kjo është një dukuri, që shfaqet jo vetëm në Kosovë, por edhe në shumicën e popullsisë së vendeve ballkanike. Lexo artikullin e plote »

nga Sokol Shameti

Pse s’shkruan ndonjë gjë – thotë një mik, punëtor shtypi në një gazetë si shumë të tjera sot në Shqipëri – ku s’ka rëndësi a je një Naim i vonë i Rilindjes, a veteran i Konferencës së Labinotit, a fare somelier birre të zezë – se njëlloj ta lënë në dorë faqen e parë, pa shumë llafe, si me qenë jo faqe e parë gazete, po ndonjë nga ato gocat tmerrësisht mirëkuptuese të Banhofit të Frankfurtit. Në shumicën e rasteve, kjo situatë pak a shumë e sikletshme anashkalohet me një buzëqeshje pak a shumë neutrale. Vërtet, s’është mirë të shkruash e botosh – zaten ç’t’i biesh daulles ja ku jam – në kohë si këto kur ka plot nga dynjaja që lektisjen e zakonshme pranverore e përjetojnë si kapje nga një dhunti e befasishme gjenialiteti. Lexo artikullin e plote »