Reporteri

nga Ben Andoni

Ish dirigjenti i Teatrit të Operës dhe Baletit në Tiranë është prej pak ditësh në Tiranë në kërkim të një suksesi në dy vepra të autorëve të njohur klasikë. Për MAPO, ai shpjegon vështirësitë dhe sfidat e formacioneve shqiptare me to.

Bujar Llapaj është aktualisht dirigjent në Orkestrën Simfonike të Bregut Perëndimor në Vankuvër të Kanadasë dhe është një figurë e njohur e dirigjimit ballkanik. Ai ka drejtuar performanca të njohura të muzikës nga kompozitorët e famshëm si Moxart, Rosini dhe Verdi dhe po ashtu ka realizuar në skenat shqiptare disa nga autorët kombëtarë. Vjen së fundi për të interpretuar dy autorë bashkëkohorë. Ai themeloi Orkestrën e Re Filarmonike, ku shërbeu si drejtues artistik dhe po ashtu edhe si dirigjent. Lexo artikullin e plote »

nga Gladiola Bendaj

Ndërsa shqiptarët kanë frikë se do t’iu kthehen ambasadave, po ndodh që të huajt, që priren të vizitojnë vendin tonë, për punë, turizëm, biznes etj. Ata po anulojnë udhëtimet e tyre, të rezervuara qysh disa muaj përpara, pikërisht sepse situata në Shqipëri nuk paraqitet e qetë, që nga ngjarjet e 21 janarit.

“Albania on the brink”. Kështu thoshte titulli i një artikulli të botuar të enjten që kaloi në të mirënjohurën britanike “The Economist”. Arsyet dihen. Kjo është një histori që tanimë nuk duket sikur ka nisur një apo dy javë më parë…, por ka kohë që mban pezull, madje që përpara 21 janarit të shkuar. “Shqipëria në buzë të greminës”. Lexo artikullin e plote »

nga Fjodora Fjora

Gjatë verës duhet patur më shumë kujdes për t’u mbrojtur nga dielli, apo rezultati i përfituar mund të zgjasë më pak, megjithatë me një bashkëpunim dhe mirëkuptimin me specialistin mund të evitohet çdo efekt i padëshiruar.

1. Cilat do të ishin disa ndërhyrje të këshillueshme në këtë stinë, jo agresive për lëkurën?
Fillimi i marsit është edhe periudha me më shumë kërkesa për ndërhyrjet estetike. Është koha kur dalim nga dimri, gjatë të cilit mund të kemi shtuar ndonjë kile më shumë e që rrobat na ndihmonin t’i fshihnim, sikurse mund të përdornim edhe më shumë make up, në rast të ndonjë shqetësim në fytyrë. Në pranverë fillojmë të përgatitemi fizikisht dhe psikologjikisht për të qenë më të zbuluar dhe për t’u veshur më lehtë. Lexo artikullin e plote »

nga Mustafa Nano

Studiuesi Eduard Zaloshnja i përgjigjet pyetjeve të Mustafa Nanos për fenë, historinë, kombin e letërsinë. Ai thotë se 90 vjet ndarje e kanë përgjumur ndjenjën e unitetit mes Shqipërisë e Kosovës.

1. Zoti ekziston, mund të ekzistojë, duhet të ekzistojë apo nuk ekziston?
Do të ishte mirë që, në nivel konkret, Zoti të ekzistonte dhe të kishte vërtet një profetin e vet në planetin tonë, i cili të provonte në mënyrë katërcipërisht të pakundërshtueshme se 10 urdhëresat e famshme biblike i kishte marrë drejpërdrejt prej Tij. Në këtë rast, ky planet dhe, më lokalisht, vendi ynë i vuajtur ndoshta do të kishin qenë më mirë se ç’janë sot. Në nivel abstrakt, jam deist. Pra, mendoj se një zot, apo ta quajmë çfarë të duam, e ka krijuar këtë univers – dreqi e mori, big bang-u nuk kishte si të vinte nga asgjëja! Lexo artikullin e plote »

nga Ben Andoni

Janë prej më shumë se njëqind vitesh në zonën e Shijakut dhe Sukthit dhe tashmë janë pjesë integrale e këtij areali. Kur erdhën 130 vjet më parë, as edhe mendjes më të çartur të tyre s’do t’i shkonte ndërmend se do të krijonin atë komunitet të nderuar që krijuan me kalimin e kohës. Faik bej Konica dikur do t’i përfliste muhaxhirët si ata, por si në jo pak gjëra, dhe këtu do të gabonte, kur binte fjala për boshnjakët. Një udhëtim mes jetëve të tyre.

Në kioskën e Bakiut në Sukth, banorët marrin lajmet e para të asaj që ndodh në qytet, në Shqipëri dhe më tej. Shkëmbejnë ndonjë fjalë me të dhe ikin. Po ç’bëhet, i thonë njëri-tjetrit. Ca sa i shohin dhe i lënë menjëherë gazetat. Të tjerë, as nuk i shohin gazetat por hedhin një vështrim të shpejtë tek gazetat e lotos së sportit. Kontrollojnë skedinat. Njëri që është pas nesh nuk i ka ecur me Mançester Sitin. E ka tepruar me gola, thotë pa përcaktim. “Nuk ecin gazetat më prej zgjedhjeve. Janë të lodhur aq shumë njerëzit, sa nuk duan të lexojnë asgjë”, ma kthen Bakiu, që flet nga pas. Lexo artikullin e plote »

nga Ervin Qafmolla

Situata tepër e tensionuar politike duket se ka sjellë një sërë problemesh në klimën e biznesit dhe situatën ekonomike në tërësi. Tkurrje investimesh, ngërç me shpenzimet dhe një drojë e përgjithshme për të kryer çfarëdolloj transaksioni të madh, po karakterizojnë ekonominë shqiptare që nga fillimi i këtij viti.

Ky vit filloi me një sërë lajmesh të këqija për ekonominë, duke filluar nga efektet me burim nga jashtë, siç ishte inflacioni i importuar, deri tek ato me karakter të brendshëm, si në rastin e tronditjes së besimit të konsumatorëve, çka përkthehet në rënie të konsumit dhe të investimeve. Çështja e inflacionit është kryesisht e pavarur nga ekonomia brenda shtëpisë, ndërsa pjesa e besimit të konsumatorëve dhe biznesit, varet direkt nga tensioni brutal i shkaktuar nga përplasjet politike para dhe paszgjedhore. Lexo artikullin e plote »

nga Skender Minxhozi

Theodhori Sollaku, ish-prokuror i Përgjithshëm, profesor i të drejtës kushtetuese dhe anëtar i stafit teknik të hartimit të Kushtetutës, shpjegon për MAPO se debati mbi fletët e hedhura në kutitë e gabuara është “një hile e rradhës e Kryeministrit Berisha”. “Nëse s’ka rëndësi kutia, atëhere pse nuk votohet vetëm në një kuti”, ngre pyetjen zoti Sollaku.

Z.Sollaku, si njohës i çështjeve kushtetuese pasi keni qenë anëtar i stafit teknik të hartimit të saj, profesor edhe i të drejtës kushtetuese, ç´mund të na shpjegoni, shkurt, në aspektin kushtetues dhe ligjor debatin mbi vlefshmërinë e votave të hedhura në kutinë e gabuar? Lexo artikullin e plote »

nga Ben Andoni

Intervistë për MAPO-n me drejtoreshën e Komitetit Shqiptar të Helsinkit. Si e shikon ky organizëm këtë situatë, rrugët që duhet të dalin dhe si presidenti duhet të merrte më shumë atribute. Me përgjigje të shkurtra, znj.Meçe ka bërë të qartë se kjo situatë është paradoksale për shqiptarët.

Është e paarsyeshme si situatë, por tashmë është realitet. Një vendim i mbaruar tashmë po rishikohet dhe e ka futur në një katrahurë Shqipërinë, ku nuk i dihet sesi do të dilet.

Drejtoresha e Komitetit Shqiptar të Helsinkit, që kontaktohet në zgrip të kohës, është e qartë në atë që thotë në lidhje me situatën, shkaqet dhe mënyrat sesi mund të zgjidhet, por edhe shumë e prerë në të gjithë përcaktimet e saj për MAPO. Lexo artikullin e plote »

nga Skender Minxhozi

Raporti Interim i misionit të vëzhguesve të OSBE-ODIHR-it hedh ujë të ftohtë mbi nismën e KQZ për të përmbysur në tavolinë fitoren e ngushtë të Edi Ramës. Bashkë me incidentin e votës së presidentit Topi, ky raport bën nga e para të gjithë procedurën e KQZ për vlerësimin e votave të Bashës e Ramës të hedhura gabimisht në kutitë e tjera, duke e komplikuar edhe më tej krizën politike në vend.

“Zoti kryetar, po shkelni rregullat, grupet e numëruesve s’kanë pasur asnjë vërejtje në procesverbal, për kutinë që po hapni!”. “Hë, se dhe pesë kuti kanë ngelur!”. Ky është një dialog i shkurtër, i shkëputur nga dita e shtunë, në seancën-maratonë katërditore në Komisionin Qendror të Zgjedhjeve, ku katër anëtarët e emëruar nga qeveria, kanë ndërmarrë operacionin më flagrant antiligjor, për të përmbysur në tavolinë humbjen prej dhjetë votash të Lulzim Bashës në 8 majin e shkuar. Lexo artikullin e plote »

nga Lorenc Vangjeli

Një javë që pati gjithçka nga Shqipëria e zakontë, zakonisht anormale: hendek mes palësh, vota të dyshuara, ndeshje televizive mes protagonistësh, protesta dhe përleshje në rrugë me policinë. Të premten, raporti paraprak i OSBE/ODIHR-it jep diagnozë të rëndë për standartet e zgjedhjeve në Shqipëri, duket se shqiptarët kanë humbur të gjithë. Zgjedhjet sërish nuk garantuan standartet.

Java në Tiranë rrjedh më shpejt sesa kronika. Çfarë është lajm i ri në mëngjez, në mesditë është lajm arkivi dhe çfarë ndodh në mesditë, në mbrëmje është fshehur nën dhjetra lajme të tjera që pasojnë njëri-tjetrin. Lajmi i fundit fatkeq, fatkeqësisht i paralajmëruar që në momentin kur nisi procesi i numërimit të votave të zgjedhjeve të tetë majit, është se Shqipëria edhe kësaj here nuk mundi të realizojë standartet evropiane të zgjedhjeve. Lexo artikullin e plote »