Reporteri

nga Mustafa Nano

Poetja Mimoza Ahmeti thotë se Zoti ekziston si medium. Ajo e sheh diktaturën komuniste në Shqipëri si formën ekstreme të kulturës laike perëndimore.

1. Zoti ekziston, mund të ekzistojë, duhet të ekzistojë apo nuk ekziston?
Zoti ekziston si medium, ne atë e quajmë distancë dhe duam ta shkurtojmë. është kushti i atraksionit dhe njëherësh pengesa. Sa më shumë e kemi shkurtuar distancën më të padurueshem dhe neurotikë bëhemi. Por kjo luftë nuk ka fund dhe prodhon gjithmonë distancë, dmth Zot.

2. Gjuha shqipe ju duket e pasur, e varfër, apo si të tjerat?
Gjuha shqipe më duket e pasur për të varfërit. Të varfërit – thotë Dr. Fisher, – ndryshe nga të pasurit, duhet të kesh shumë kujdes kur t’i afrohesh. Lexo artikullin e plote »

nga Ben Andoni

Janë në një rritje të shpejtë ekonomike dhe për më tepër në një vetësiguri të madhe, që vjen prej tregut të tyre të stërmadh. Shteti turk me gjithë kritikat që merr nga Bashkësia Evropiane për probleme të ndryshme, vazhdon i qetë rrugën e tij dhe më tepër akoma mëton ta qesëndisë tani Evropën. Simboli i këtij zhvillimi është vetë qyteti i tyre simbol i njerëzimit… Stambolli, i cili nga 29 maji i 1453 është pjesë e civilizimit të tyre…

“Duhet që të njohësh turqit, që të kuptosh reagimin e tyre për Evropën”, më thotë S. A., një gazetar i ri sporti i “Sabah” në Stamboll. Ulur në një kioskë në cepin e një kuartieri të Beshiktashit, në pjesën aziatike të qytetit gjigand dergjur njëkohësisht deri në Evropë, flasim për gjithçka. I flas për Tiranën dhe sesi vihet këtu. Vetëm 1 orë, i them. Nuk flet mirë anglisht, por me aq sa beson që flet, më përkthen dhe shpjegon mendimin edhe të një grupi tjetër bashkëmoshatarësh, që janë përreth. Politika. Shqipëria. Turqia. Këto janë temat. Lexo artikullin e plote »

nga Ben Andoni

Krejt papritur dhe pa asnjë rezistencë është kapur në një fshat të humbur Ratko Mladiç, autori kryesor i urdhrit të Srebrenicës dhe i shumë vrasjeve të tjera masive në Bosnjë. Në momentin e arrestimit është parë se ishte në gjendje të rëndë psiko-fizike dhe për më tepër i paralizuar nga një krah. Media serbe ka nxjerrë faktin se i biri Darko ishte një javë më parë atje në fshatin ku ai rrinte, por që ‘në fakt’, se kish takuar të atin?!

Në momentin e arrestit, tashmë i plakur dhe krejt i rrëgjuar, krimineli i Srebrenicës Ratko Mladiç, s’ka bërë asnjë rezistencë. Fqinji i tij, që po e ndihmonte ish-gjeneralin e paralizuar, banues në qendër të fshatit të kushurinjve të tij, është befasuar nga ardhja e forcave speciale të BIA-s. Duke iu referuar mediave serbe, Ratko Mladiç nuk ka bërë rezistencë në momentin kur forcat serbe i shkuan në shtëpi për ta arrestuar. Ai është arrestuar të enjten në mëngjes në fshatin Lazarevë të Zrenjaninit, pas shumë vitesh kërkimi. Lexo artikullin e plote »

nga Ervin Qafmolla

Heqja e taksave doganore me vendet e rajonit për produktet bujqësore krijon një situatë të mirëfilltë të tregtisë së lirë, por zhvillimi i dobët i sektorit bujqësor shqiptar, mungesa e mbështetjes shtetërore dhe situata e dobët e kapaciteteve prodhuese dhe eksportuese të vendit, përbëjnë një pikënisje të zymtë për konkurrencën e këtij sektori me vendet e rajonit.

Në mungesë të opozitës, seanca e Kuvendit të Shqipërisë, ditën e enjte të kësaj jave, tërhoqi vëmendjen e publikut, për nga ngarkesa dhe domethënia e saj politike. Por, në këtë seancë, u morën edhe vendime të rëndësishme, siç ishte ai për heqjen e taksave doganore për produktet bujqësore që vijnë nga vendet e rajonit. Në parim, bëhet fjalë për një detyrim të Shqipërisë, që nga nënshkrimi i Marrëveshjes së Tregtisë së Lirë (MTL) me vendet e rajonit – CEFTA – në vitin 2006 dhe ratifikimin e saj në vitin 2007. Lexo artikullin e plote »

nga Skender Minxhozi

Nënkryetarja e Komisionit Qëndror të Zgjedhjeve Dëshira Subashi flet për herë të parë, pas mbylljes së kapitullit të diskutueshëm të votave të hedhura gabim, që e nxorrën kandidatin e djathtë Lulzim Basha 81 vota para Edi Ramës. Zonja Subashi thotë se modeli politik i ndërtimit të KQZ-së tashmë ka dështuar.

Zonja Subashi, u mbyll një raund delikat i punës së Komisionit Qendror të Zgjedhjeve, i cili e përmbysi numerikisht për Bashkinë e Tiranës. Si e komentoni ju atë që ndodhi këto ditë në KQZ?
Procesi i numërimit të votave ka qenë prej vitesh proces i vështirë, për shkak të faktorëve politikë të ndikimit, por edhe të elementëve teknikë, që kanë të bëjnë me pasqyrimin në dokumentacionin zgjedhor, të gjithçkaje ka ndodhur në ditën e votimit dhe të numërimit e nxjerrjes së rezultateve. Lexo artikullin e plote »

nga Lorenc Vangjeli

Tre skenaret që mund të ndodhin në Tiranë. Nga shpallja e fitores së Ramës, tek Basha që fiton bashkinë e deri tek një rivotim i mundshëm për bashkinë e kryeqytetit. Një betejë juridike që varet kryesisht nga vullneti politik lokal dhe ndërhyrja e ndërkombëtarëve nga Tirana, Uashingtoni dhe Brukseli.

Çfarë po ndodh me Tiranën dhe gjithë procesin e zgjedhjeve të 8 Majit, tashmë përfundimisht i ngjan një ekuacioni me shumë të panjohura. Një ekuacion në të cilin kryeministri shqiptar është “iksi” kryesor kur flet dhe e panjohura e madhe kur hesht si Sfinks. Në një garë elektorale, nga e cila pritej, siç edhe ndodhi që të gjithë do të shpallnin fitore, Tirana padyshim është pika që ndan fituesin dhe humbësin e vërtetë. Për këtë arsye, së pari, por jo së vetmi dhe së fundmi, beteja për Tiranën po vazhdon. Duke ngritur një pafundësi pikëpyetjesh për çfarë ndodhi dhe një numër të barabartë pikëpyetjesh për çfarë pritet të ndodhë. Lexo artikullin e plote »

nga Ben Andoni

Intervistë me eksperten amerikane të Drejtësisë Znj. Kathleen Imholz, me një përvojë të gjatë në sistemin zgjedhor shqiptar dhe në atë të vendit të saj, SHBA-së. Këtu, ajo, flet për debatin e fundit të zgjedhjeve në Shqipëri, për klasifikimin e votave, sjelljen e KQZ-së, idenë e rivotimit në Tiranë.

Kathleen Imholz është gjithnjë atje. Ku? Kurdo dhe kudo që Shqipëria ka jetuar tollovitë e saj, ekspertja e njohur, i ka ndjekur me kujdes duke dhënë madje edhe asistencën e saj. Kohë më parë, në një aktivitet të madh për Lustracionin në Ballkan të zhvilluar në Beograd, ajo përfaqësonte Shqipërinë dhe përshkimi tejet profesional që i bëri sistemit shqiptar, i la të mahnitur kolegët “e saj ballkanikë”. Kathleen në gjithë këto 20 vjet jo thjesht ka afruar asistencën e saj, por më shumë akoma ka ndjekur me shumë vëmendje zhvillimet zgjedhore dhe ato të fushave të tjera. Lexo artikullin e plote »

nga Gladiola Bendaj

Zakoni dhe e mira e të gjithëve e donte që sot, tri javë më vonë, historia e zgjedhjeve të kishte një titull, por nuk ndodhi kështu, edhe pse për shumë kjo ishte e pritshme. Tri javë më parë, por edhe në vazhdim, e gjithë vëmendja e qytetarëve të Tiranës, dhe jo vetëm, është përqendruar tek dy figurat kryesore që garuan për qytetarin e parë të Tiranës. E ndërsa epopeja vazhdon, për kryetarët e minibashkive të kryeqytetit janë vendosur tashmë pikat mbi “i” dhe secili prej tyre është bërë gati të vendoset në drejtimin e njësisë që e zgjodhi. Jeta Seitaj, kandidate e PS-së, kryetare e minibashkisë Nr. 5, e cila e mban këtë post prej disa mandatesh rresht dhe ish-futbollisti i njohur Indrit Fortuzi, kandidat i PD-së, kryetar i minibashkisë Nr. 9, për herë të parë në këtë detyrë, tregojnë për MAPO-n, përmes një interviste të shkurtër, detajet e fushatës së tyre elektorale, emocionet e 8 majit dhe ditëve të tjera që pasuan me numërimin, projektet që presin të rezlizojnë dhe. Por, pa lënë mënjanë edhe opinionin e komentet respektive për situatën e krijuar post-zgjedhore, kontestimet e bëra, ligjshmërinë ose jo të vendimit për hapjen e kutive dhe zvarritjen e pambarimtë në zyrat e KQZ-së. Lexo artikullin e plote »

nga Leonat Shehu

Përfaqësues vendas e ndërkombëtarë thanë sot se reforma e sistemit zgjedhor në Kosovës është e vetmja rrugë për shmangien e gabimeve që kanë ndodhur në zgjedhjet e deritashme. Këto komente u bënë gjatë një debati lidhur me zgjedhjet dhe mësimet që duhet nxjerrë nga zgjedhjet e fundit parlamentare që u përshkuan me shumë parregullsi. Ish kandidati për postin e presidentit të Shteteve të Bashkuara Howard Dean, aktualisht pjesë e këshillit të drejtorëve të Institutit Kombëtar Demokratik tha se dallimi ndërmjet demokracisë që funksionon dhe demokracisë që dështon, është aftësia e atyre që janë në udhëheqje, për t’i vendosur interesat e shtetit para atyre politikë. Ai tha se kjo organizatë është e gatshme të ndihmojë ndryshimet në sistemin zgjedhor, por jo edhe për të zgjedhur sistemin e duhur. Lexo artikullin e plote »

nga Ilirian Agolli

Komisioni Qendror i Zgjedhjeve nisi sot shqyrtimin e katër ankesave të partive politike të shumicës dhe të opozitës për kundërshtimin e rezultatit të zgjedhjeve vendore për bashkinë e Tiranës dhe dhe tabelës përmbledhëse. Disa anëtarë të KQZ-së dhe përfaqësues të Partisë Socialiste kërkuan që të pezullohej shqyrtimi i ankesave, për shkak se tashmë këto çështje po gjykohet në Kolegjin Zgjedhor. Lexo artikullin e plote »