Reporteri

nga Ben Andoni

Krejt papritur dhe pa asnjë rezistencë është kapur në një fshat të humbur Ratko Mladiç, autori kryesor i urdhrit të Srebrenicës dhe i shumë vrasjeve të tjera masive në Bosnjë. Në momentin e arrestimit është parë se ishte në gjendje të rëndë psiko-fizike dhe për më tepër i paralizuar nga një krah. Media serbe ka nxjerrë faktin se i biri Darko ishte një javë më parë atje në fshatin ku ai rrinte, por që ‘në fakt’, se kish takuar të atin?!

Në momentin e arrestit, tashmë i plakur dhe krejt i rrëgjuar, krimineli i Srebrenicës Ratko Mladiç, s’ka bërë asnjë rezistencë. Fqinji i tij, që po e ndihmonte ish-gjeneralin e paralizuar, banues në qendër të fshatit të kushurinjve të tij, është befasuar nga ardhja e forcave speciale të BIA-s. Duke iu referuar mediave serbe, Ratko Mladiç nuk ka bërë rezistencë në momentin kur forcat serbe i shkuan në shtëpi për ta arrestuar. Ai është arrestuar të enjten në mëngjes në fshatin Lazarevë të Zrenjaninit, pas shumë vitesh kërkimi. Lexo artikullin e plote »

nga Ilirian Agolli

Komisioni Qendror i Zgjedhjeve nisi sot shqyrtimin e katër ankesave të partive politike të shumicës dhe të opozitës për kundërshtimin e rezultatit të zgjedhjeve vendore për bashkinë e Tiranës dhe dhe tabelës përmbledhëse. Disa anëtarë të KQZ-së dhe përfaqësues të Partisë Socialiste kërkuan që të pezullohej shqyrtimi i ankesave, për shkak se tashmë këto çështje po gjykohet në Kolegjin Zgjedhor. Lexo artikullin e plote »

nga Bardha Shpuza-Azari

Një grup prej 20 zyrtarësh të prokurorisë, policisë gjyqësore, doganave dhe shërbimit informativ nga Shqipëria ndodhen në Shtetet e Bashkuara për një vizitë studimore. Vizita lidhet me programin Sfida e Mijëvjeçarit, Faza e Dytë për Shqipërinë. Kolegia Bardha Shpuza Azari bisedoi me dy pjesëtarë të këtij grupi, mbi hetimin e çështjeve të korrupsionit në Shqipëri. Ata janë Arben Kraja, kreu i Task-Forcës Antikorrupsion në Prokurorinë e Përgjithshme, dhe Dritan Rreshka, drejtues i Njësisë së përbashkët të hetimit për Tiranën. Lexo artikullin e plote »

nga Ilirian Agolli

Kolegji Zgjedhor pushoi sot çështjen ankimore të paraqitur nga Partia Socialiste për tabelën e rezultatit të zgjedhjeve në njësinë bashkiake numër 5. Kolegji shqyrtoi për disa orë ankesën e Partisë Socialiste lidhur me vonesën e KQZ në publikimin e tabelës së rezultateve të komisionit zonal 49, dhe në fund vendosi ta pushojë çështjen. Me termat e juristëve, vendim pushimi për Kolegjin do të thotë ose se çështja nuk përmban lëndë ankimore, ose se lë në fuqi vendimet e mëparshme të Komisionit Qendror të Zgjedhjeve; me pak fjalë kjo ankesë është rrëzuar. Lexo artikullin e plote »

nga Bardha Shpuza-Azari

Në një intervistë ekskluzive për Zërin e Amerikës Zëvendës Ndihmës Sekretari i Shtetit për Euroazinë, Tomas Kantrimen, përshëndeti procesin zgjedhor në Shqipëri, megjithë mosmarrëveshjet e fundit mbi numërimin e votave të hedhura në kutitë e gabuara, vendim që, siç tha ai, do ta marrë Kolegji Zgjedhor. Zoti Kantrimen tha se përfundimi i këtyre zgjedhjeve do të përcaktojë edhe perspektivën e Shqipërisë për anëtarësim në Bashkimin Evropian.

Zëvendës Ndihmës Sekretari i Shtetit për Euroazinë Tomas Kantrimen vlerësoi pjesëmarrjen e lartë në zgjedhjet vendore në Shqipëri, duke thënë se kjo tregon interesin shqipëtarëve për të ardhmen e vendit dhe të demokracisë. Lexo artikullin e plote »

nga “SZ” ; “Die Presse”; “Der Standard” / vfb

Një vend i bllokuar – Politika e Shqipërisë zhytet në kaos: Qeveria me sa duket fallsifikon zgjedhjet, opozita kërcënon me një revoltë – Kështu e titullon artikullin për Shqipërinë gazeta „Süddeutsche Zeitung“.

“Është një ëndërr e keqe, që po vazhdon në Shqipëri qysh pas rënies së diktaturës komunistë para gati njëzet vjetësh. Pas çdo zgjedhjeje pason një betejë, e cila as nuk mund të imagjinohet në Evropën e sotme: Partia që humbet zgjedhjet i konteston rezultatet, kërcënon me protesta, padi dhe bojkot. Herë rebelojnë të ashtuquajturit demokratë dhe herë socialistët, të dalë nga ish-partia komuniste. Lexo artikullin e plote »

nga Ani Ruci

Parlamenti Europian e përcakton situatën politike në Shqipëri, të karakterizuar nga ”mosbesimi dhe polarizimi politik”.

Burime zyrtare nga delegacioni i BE në Tiranë bëjnë të ditur se debati i paradites së sotme në PE, për zgjedhjet lokale të 8 majit në Shqipëri, u zhvillua në Komisionin për Marrëdhëniet me Jashtë të këtij Parlament. Në qëndër të debatit ishte raporti i delegacionit ad hoc të PE, që ndoqi nga afër procesin e votimit më 8 maj. Të njëjtat butrime vënë në dukje se kreu i delegacionit të Parlamentit Europian për vendet e Europës Juglindore, Eduard Kukan “nuk fshehu pesimizmin dhe zhgënjimin për përmirësimin dhe nxjerrjen e Shqipërisë nga stanjacioni politik ku ndodhet edhe pas zhvillimit të këtyre zgjedhjeve”. Lexo artikullin e plote »

nga Ilirian Agolli

Dy drejtues të lartë të Bashkimit Europian, përfaqësuesja e lartë për politikën e jashtme, Katherin Ashton, dhe komisioneri për zgjerimin, Shtefan Fyle, u bënë thirrje partive shqiptare ta zgjidhin me dialog çështjen e votave të hedhura gabimisht. Ata propozuan që Shqipëria mund të kërkojë këshillim të pavarur nga jashtë për vendimet e debatuara të Komisionit Qendror të Zgjedhjeve. Përfaqësuesja e lartë, Ashton, dhe komisioneri Fyle, u kërkuan forcave politike shqiptare të nisin dialogun për të diskutuar çështjen e votave të hedhura gabim. Lexo artikullin e plote »

nga Armand Mero

Në Shqipëri komisioni Qendor i zgjedhjeve shpalli mbrëmë, me 81 vota në avantazh, kandidatin e së djathtës Lulzim Basha fitues të zgjedhjeve në Tiranë. Zoti Basha deklaroi sot se pavarësisht entuziazmit për këtë fitore ai është i vendosur të presë përfundimin e të gjithë hallkave ligjore të procesit. Nga ana e tij kryetari socialist Edi Rama, u shpreh më vonë se ajo që kishte ndodhur në komisionin qëndror ishte një vjedhje e turpshme e për këtë arsye rezultati nuk mund të njihet. Ai konfirmoi se partia socialiste gjithashtu do të ndjekë rrugën ligjore të kundërshtimit të rezultatit duke parlajmëruar se opozita nuk ka hequr dorë nga protestat në rat se asaj nuk i njihet e drejta që i takon, tha ai. Lexo artikullin e plote »

nga Arben Muka

Megjithëse procesi zgjedhor në Shqipëri nuk është mbyllur ende, ngaqë priten shqyrtimet e ankesave, që kanë palët, sërish një nga veçoritë, që është konstatuar tani, është prezenca e shtuar e ndërkombëtarëve.

Analisti Fatos Lubonja e mendon afërsinë e komunitetit ndërkombëtar në çdo fazë të deritanishme të procesit zgjedhor lokal, si një fakt, si një provë konkrete, që sipas tij tregon se demokracia shqiptare është ende në një fazë infantile.

Lubonja: Mungojnë institucionet e pavarura
Proceset demokratike, që nisën në Shqipëri nga fillimi viteve ’90, do të duhet të ndërtonin institucione të pavaruara, në mënyrë që të bëjnë arbitrin e ndershëm në konflikte, apo çështje që janë në diskutim mes palëve, politike ose jo, thotë për DW, Fatos Lubonja. Lexo artikullin e plote »