Reporteri

nga Muhamer Pajaziti

Ëndrra dhe realiteti europian janë dilema që vazhdojnë të mbajnë peng ballkanasit. Ëndrra europiane u akceptua me të madhe që pas luftërave dhe tranzicioneve të fillim viteve ‘90, dhe pothuajse në mënyrë plebishitare të gjithë e dëshironin demokracinë, vlerat europiane dhe braktisjen e sistemit traumatik monist. Beteja midis eurofilëve të post- tranzicionit që shohin ëndrrën e yjëzimeve europiane dhe e euroskeptikëve, vazhdon edhe më tej, derisa Bashkimi Europian akoma nuk ka ndërtuar një strategji të mirëfilltë të përbashkët për Ballkanin Perëndimor, një rajon që gjithnjë e më shumë në kartën europiane shihet si një pikë e zezë dhe vatër e krizave të herëpashershme. Lexo artikullin e plote »

nga Shkëlzen Maliqi

Përfundimi i dialogut mes Prishtinës dhe Beogradit duhet të ndodhë deri nga fundi i muajit shkurt. Tashmë nuk ka asnjë të panjohur se cili do të jetë rezultati i këtij dialogu. Formula që propozon Brukseli, dhe me të cilën është pajtuar Prishtina, është përfaqësimi i Kosovës në forumet rajonale dhe ndërkombëtare me një yll pranë emrit, që do ta dallonte nga shtetet e tjera. Ky yll do të jetë shenjë e fusnotës, ku shënimi në fund të faqes do të sqaronte se Kosova nuk njihet nga disa vende të rajonit (Serbia, BeH,Greqia,Rumania). Se si do të formulohet konkretisht teksti i fusnotës ende po negociohet, por esenca e propozimit të ndërmjetësuesit është që emri i Kosovës të shënohet pa atributin e republikës. Lexo artikullin e plote »

nga Bekim Bislimi

Në raportin 676-faqesh, organizata Human Rights Watch ka vlerësuar përparimin e të drejtave të njeriut gjatë vitit të kaluar në më shumë se 90 vende të botës. Raporti dokumenton abuzime me të drejtat e njeriut në mbarë botën, përfshirë: shkelje të ligjeve të luftës në Libi dhe Afganistan, censurë të internetit në Iran dhe Tajlandë, probleme me zgjedhjet në Rusi, keqtrajtime të emigrantëve në Evropën Perëndimore, shtypje të lirive fetare në Indonezi dhe Arabinë Saudite, tortura në Pakistan dhe Uzbekistan, si dhe dënime pa gjyq në Malajzi dhe nga SHBA-ja. Lexo artikullin e plote »

nga Bekim Bislimi

Raportet e fundit të organizatës për të drejtat e njeriut “Human Rights Watch” dhe të organizatës “Freedom House”, të cilat u publikuan gjatë këtij muaji, e renditin Kosovën në radhën e vendeve pjesërisht të lira, por edhe si një ku situata e të drejtave të ka shënuar përmirësim të vogël gjatë vitit 2011.

Përfaqësuesit organizatave joqeveritare në Kosovë, të cilat mbikëqyrin realizimin e të drejtave të njeriut, thonë së realizimi i këtyre të drejtave në Kosovë është i kushtëzuar nga rrethanat dhe zhvillimet nëpër të cilat po kalon vendi. Lexo artikullin e plote »

nga VETON SURROI

1.
Pengimi i dhunshëm i demonstratave të Vetëvendosjes më 14 janar të këtij viti tregon degradimin e mëtejmë të funksionimit të brishtë të demokracisë kosovare dhe është edhe një sinjal alarmi për shtetin e ri. E qartë, ajo që u pa në sipërfaqe të ngjarjes, në afërsi të Podujevës, ishte ushtrimi i dhunës nga ana e policisë së Kosovës kundër protestuesve të padhunshëm. E me këtë, edhe sinjali i qeverisë së Kosovës se nuk ka tolerancë ndaj protestës – së paku ndaj protestës së shqiptarëve. Rrjedhimisht, dhe po të qëndrojë kështu, do të ndërtohet një parim i rrezikshëm për shoqërinë, e ai është e drejta e seleksionimit nga ana e qeverisë se kush guxon të protestojë dhe kush nuk guxon ta bëjë këtë, ani pse përdor metoda të padhunshme. Lexo artikullin e plote »

nga Bardh Frangu

Kemi konstatuar në mënyrë të përsëritur se vuajmë shumë nga shkalla e lartë e politizimit; në kuadër të kësaj, edhe nga konsumimi i tepërt i demagogjisë. Të gjitha këto i pamë dhe i shijuam gjatë kësaj jave dhe sigurisht që do t’i shohim dhe përjetojmë edhe në vazhdim.

U bënë të pamjaftueshme mediat e shkruara dhe elektronike për të konsumuar të vërtetën e kësaj proteste të mbështetur mbi demagogji. U shfaq nevoja që debati të zhvillohet edhe nëpër rrjete sociale, veçmas në Facebook. U shpërfaqëm të gjithë në një dimension që dëshmon se jemi larg një kulture politike, e cila do të nënkuptonte një debat të shëndoshë dhe kaq të nevojshëm për demokracinë tonë të brishtë. Lexo artikullin e plote »

nga Adrian Çollaku

“Kur ky njeri dëshiron të ma marrë fytyrën mua dhe t’i lajë duart me gjakun tim, atëherë do të ketë shumë telashe me mua’, tha personalisht Hashim Thaçi”. Kështu kishte thënë Gjergj Dedaj, kryetar i Partisë Liberale të Kosovës, pas shkarkimit që i kishte bërë Kryeministri i Kosovës, Hashim Thaçi, nga posti i zëvendësministrit të Transportit dhe Postë-Telekomunikacionit në vitin 2010, dhe atë vetëm pak ditë pasi e kishte emëruar në atë pozitë. Lexo artikullin e plote »

nga Arbër Zaimi

Situata e përgjithshme pas 14 janarit ndihet e rëndë, gati-gati penguese, mospranuese e përshkrimeve dhe rrëfimeve mbi atë çka ngjau atë ditë në Merdar e te Dheu i Bardhë. Një mori fjalësh e pallavrash, shkrimesh e paçavuresh, lajmesh e gënjeshtrash, mendimesh e opinionesh… krijon një qerthull aq marramendës saqë nis të të pështjellohet e të të përzihet stomaku e truri, fillon të të duket se s’ka pasur aty kurrfarë të vërtete për të cilën t’ia vlente përballja me gjithë atë dhunë policore, po vetëm përralla përmbi përralla, të duket që edhe dëshmia jote si pjesëmarrës është disi e mjegullt. E më pas vijnë mediat, rrjetet sociale, relativizimi banal, dhe gjithë logjika që strukturohet mbi cliche dhe etiketime të shpejta e evazive: “edhe mirë… po edhe keq…”; “edhe ata… po edhe ju…”; “edhe e drejtë… po ka dhe gabime…” Lexo artikullin e plote »

nga ARMAND SHKULLAKU

Thirrjes së Presidentes Jahjaga për t’u tërhequr nga protesta dhe për ta zhvendosur debatin politik në sallën e Kuvendit, Vetëvendosja ka pak gjasa t’i përgjigjet pozitivisht. Si kusht të vetëm për të anuluar protestën e 22 janarit, kjo Lëvizje ka vënë nisjen e hapave për zbatimin e mocionit për reciprocitet nga ana e qeverisë. E kjo e fundit, pavarësisht apelit të djeshëm të Kryeministrit Thaçi për debat në Kuvend, nuk ka ndërmend të japë shenja të qarta se do të zbatojë reciprocitetin e kërkuar nga VV. Qeveria mendon se reciprociteti është funksional. Nëse këtij pozicioni i shtohet edhe deklarata e ministrit Rexhepi, se policia do të veprojë njëlloj si më 14 janar, konflikti mes këtyre dy forcave politike do të vijë duke u thelluar. Lexo artikullin e plote »

Kosova sërish renditet në kategorinë e vendeve pjesërisht të lira, në raportin e fundit të publikuar të enjten nga Freedom House.

Raporti bën fjalë për të drejtat politike dhe liritë civile, kurse matjet janë bërë nga 1 janari deri më 31 dhjetor të vitit 2011.

Në kategorinë e vendeve pjesërisht të lira, së bashku me Kosovën gjendet edhe Shqipëria, Bosnja dhe Maqedonia, kurse Serbia dhe Mali i Zi janë radhitur në kategorinë e vendeve të lira.

Vitin e kaluar Kosova ka qenë vend gjithashtu pjesërisht i lirë dhe notimet në dy shtyllat kryesore që sipas Freedom House përcaktojnë lirinë e një vendi kanë mbetur identike, nota 5 për të drejtat politike dhe 4 për liritë civile. Lexo artikullin e plote »