Reporteri

nga Ardian Ndreca

Aq shumë kemi nevojë për drejtësi, sa nganjiherë e lakojmë atë me të kundërtën e saj, me hakmarrjen, dhe rezultati asht nji padrejtësi e re. Kemi ligjet e madje edhe njerzit e ligjit, por as kjo nuk mjafton. Padrejtësia mbizotnon sovrane pse liria që kujtojmë se kemi, nuk asht nji liri e vërtetë, por vetëm karikatura e saj. Lexo artikullin e plote »

nga Artur Zheji

Shqipërisë i duhet një Drejtësi e Drejtë dhe e Shpejtë, për t’i prerë rrugën spekulimeve politike që kanë dalë si xhindet nga shishja dhe po helmojnë me kutërbim vdekjeje tërë shoqërinë. Duhet vepruar drejtësisht dhe me shpejtësi, sepse klithmat jakobine dhe histerizmat televizive po rikthejnë një situatë të mbingarkuar me toksina mbytëse për normalitetin që na duhet, për të përballuar efektet anësore dhe përbrendësore të krizës ekonomike që kamzhikon gjithë Europën. Lexo artikullin e plote »

nga Michael Beckley

1. Përqindja e rritjes nuk është rritje e përgjithshme
Që nga viti 1991, të ardhurat për frymë të Kinës u rritën me 15% në vit, ndërsa shpenzimet ushtarake u rritën 10% në vit. Për kontrast të ardhurat për frymë të Amerikës dhe shpenzimet ushtarake u rritën me 4 dhe 2%, respektivisht.Po, 15 është më e madhe se 4 dhe 10 është më e madhe se 2. A ka gjë më të thjeshtë? Lexo artikullin e plote »

nga Artan Fuga

Në të gjitha përpjekjet e institucioneve shqiptare për të bërë që vendi të avancojë në statusin e vet europian janë përdorur argumente të ndryshme. Nuk ke se çfarë bën përderisa kjo kërkohet. Libri me përgjigjet e shtetit shqiptar lidhur me pyetjet e institucioneve të Europës drejtuar atij, dukej shumë voluminoz. Lexo artikullin e plote »

nga Alfred Lela

Në një ‘Bibël’ të shqiptarëve, fjalia hapëse krejt mirë mund të ishte: i pari ishte arbitri. Mund të debatohet gjatë për etikën e besimit dhe mosbesimit te pamundësia e shqiptarëve për të ngritur e mbajtur shtet, një tezë urët e së cilës i kanë ndezur të huajt, ndihmuar edhe nga bulshinjtë e vendësve, por sot nuk është koha. Lexo artikullin e plote »

nga Dr. Mandeta Minxhozi

Në një demokraci nuk duhet të ndodhë që një lideri t’i jepet aq shumë pushtet për një kohë aq të gjatë sa të bëhet i gjithëfuqishëm dhe t’i ketë të gjitha pushtetet, por duhet të ushtrohet parimi i demokracisë “check and balance” (kontroll dhe ekuilibër). Po ashtu, as një institucion i vetëm nuk duhet të ketë të gjitha pushtetet. Në një demokraci të vërtetë nuk ndodh që pushtetet t’i ushtrojë as një njeri i vetëm dhe as një institucion i vetëm. Lexo artikullin e plote »

nga Arben Malaj

Shpesh diskutohet për përfitimet që vendet ish-komuniste do të kishin nga integrimi europian, shumë fokusohen te përfitimet financiare. Por, pas ngjarjeve me Hungarinë, më shumë duhet të diskutojmë për përfitimet nga plotësimi, respektimi i kritereve të anëtarësimit në BE. Lexo artikullin e plote »

nga Artan Lame

SHQIPNI TAVOLINASH

Ka vetëm një mënyrë për t’u harruar shpërthimi i një bombe, dhe kjo mënyrë është shpërthimi i një bombe edhe më të madhe. Bomba që shpërtheu dje me miratim të FBI-së për plumbat e Gardës, bëri që të harrohet bomba e javës që shkoi, ajo e mbylljes së gjyqit të Ilir Metës. Në fakt, të gjithë e prisnim të shpërthente, por ishim të bindur se s’do i bënte dëm njeriu, ashtu sikundër edhe ngjau. Lexo artikullin e plote »

nga KOSTA BARKA*

Jemi në realitetin e vitit 2012, një vit me peshë të veçantë në trajektoren historike të Shqipërisë. Duke parë prapa në kohë nga kjo lartësi, ndeshim jubileun e njëqindtë të shtetit shqiptar. Harrojmë peripecitë dhe prapësitë e këtij rrugëtimi dhe evidentojmë vetëm faktin e jubileut me një krenari festive të ligjshme. E shkuara pranon dhe pret kurora e lule. Duke parë horizontin e së ardhmes nuk mund të mos kuptojmë se ka një dallim thelbësor midis tyre. Lexo artikullin e plote »

nga EDMOND TUPJA

Të dielën e kaluar, shkri mi im i përjavshëm pati si pikënisje një proverb frëng. Shpresoj që lexuesi i vëmendshëm e i paanshëm i rubrikës sime të së dielës nuk do të më mbajë gjatë mëri nëse unë e nis edhe këtë shkrim me një proverb frëng. (I premtoj atij që javën e ardhshme nuk do ta përsëris një gjë të tillë.) Pra, e kam fjalën për proverbin frëng “Il vaut mieux s’adresser à Dieu qu’à ses saints”. (Më mirë drejtoju Zotit sesa shenjtorëve.) Lexo artikullin e plote »